ACTES DETH SIMPÒSI INTERNACIONAU
Hètes deth huec dongues solsticis enes pirenèus
Universitat de Lhèida
Ara s'an publicat es actes, auem un article en capítol III:
Un guardar retrospectiu a un interessant moment d'escambi #que suscitèc fòrça qüestions.
Educacion, transmission e difusion salvaguarda deth PCI
Gènesi d'ua reactivació - Ei Sarnalhèrs
A diferéncia de fòrça lòcs a on era pandèmia siguec causa de frustracion, entà nosates
siguec un detonant. Volérem investir era hèsta deth solstici des sòns simbèus. Era reactivació dera hèsta deth Sant Joan mos semblèc vesedoira e es vertuts curatives e purificadores deth sòn huec un fòrt simbèu dera luta contra aguesta pandèmia. Tanben mos semblèc important aufrir era perspectiva d'un eveniment collectiu e intergeneracional sigue coma serà er orizon, pr'amor que toti podalmos superar aguesta pandèmia mès facilaments.
Entad aguesta reactivació mos auem basat en testimoniatge deth degan deth pòble, Juanito de Toquera, qual siguec era darrèra persona a veir era hèsta deth huec en Bausen, hè
85 ans, en 1935. Era associacion Ei Halhès des, Jep de Montoya, escrivan, President dera Seccion Aranesa der Institut d’Estudis Aranesi que contribuïc ath classament dera Hèsta deth Huec pera UNESCO e Elisa Ros, era responsabla der Auviatge en Conselh Generatz d’Aran, mos animèren e ajudèren a concretar aguesta iniciatiua.
