Damb sedença en Bausen, un petit pòble des Pirenèus aranesi situat a 930 mètres d'altitud, era associacion Es Sarnalhèrs ei ua entitat de recèrca, transmission e creacion contemporanèa dedicada ath patrimòni viu dera Val d'Aran.
Ath crotzament dera etnologia, der art contemporanèu e dera accion culturau, trabalhe entara salvaguarda, documentacion, valorizacion e transmission deth patrimòni culturau, naturau, materiau e immateriau deth territòri.
Era sua activitat se base sus un trabalh de camp qu'amasse era recuelhuda de testimònis, era documentacion des sabers e des tècniques tradicionaus, era recèrca etnologica, es publicacions, es residéncies artistiques e es accions de mediacion culturau.
Entre es sòns principaus espleits de transmission i figuren era colleccion multilingüa Pinta eth tòn patrimòni, qu'adapte es resultats des sues recèrques a un format accessible e intergeneracionau, atau coma era revista SOLSTICI, ua publicacion pluridisciplinària consacrada as relacions entre es practiques culturaus vinculades as solsticis, era creacion contemporanèa e es cicles naturaus.
Era associacion desvolòpe tanben dus espacis complementaris:
TELA, un laboratòri a cèu dubèrt dedicat as relacions entre cultura, agricultura e paisatge; e
VIVA, ua residéncia de recèrca-creacion que favorís eth dialòg entre artistes, cercaires e abitants.
Guidada peth principi «Conéisher entà Estimar, Estimar entà Defensar», era associacion considèra que era coneishença constituís ua condicion essenciau entara preservacion e era transmission des patrimònis. Era sua accion s'inscriu laguens d'ua reflexion mès ampla sus es transformacions contemporanèes dera montanha, es enjòcs vinculadi ath patrimòni culturau immateriau e es relacions entre memòria, territòri e creacion.
Es nòstes activitats comencèren de manèra informau en 2013 abans de constituïr-se oficiaument coma associacion sense ànim de lucre en 2018.
Formem part de les xarxes nacionals i catalanes: :
REACC, El Cubo Verde y la Plataforma de Espacios Independientes de Creación Contemporánea, Xarxaprod, La Traça
Las imagenes y articulos de està web son protegidos por © copyright
http://sarnalhers.7ma.eu/aviso-legal/
BALANCES
BALANCE 2024-2025
BALANCE 2023-2024
BALANCE 2022-2023
BALANCE 2021-2022
BALANCE 2020-2021
BALANCE 2018-19-20