etnologia viua
Era cauçada qu’ei ena entrada des cases, enes bòrdes, enes camins de montanha, enes carrèrs… D’un carrèr de Bausen se’n ditz «cauçada».
© Es Sarnalhèrs - entrada casa Toquera
Ei un saber ancestrau que hè partida d’aquerò que se’n ditz «pèira seca». I a manères diferentes de hèr ua cauçada, mès tostemp sense ciment. Enes cases se hè damb pèires garonques, der arriu de Bausen o der arriu Garona. Enes camins, enes carrèrs o enes graèrs s’empleguen pèires locaus e ben seleccionades.
© Es Sarnalhèrs - entrada casa Maruca Naua
«Èm entre montanhes, es camins les travèssen en tot crotzar pentes. Es parets de supòrt de talhussi s’esventren, es pèires quèn e coma resultat es camins s’estretissen. Com aishamplir-les sense trèir eth tarcum e es grani calhaus» Engenharia populara de camins Joan Abadia Juclà – Tèrra Aranesa
Apréner entà sauvar
Damb ES SARNALHÈRS eth Patrimòni s’apren e se transmet !