Demana un desir, ES SARNALHÈRS an era sua constellacion!
Era constellacion deth Ludèrt siguec batiada por Johannes Hevelius en 1687. Eth nòm li ven, evidentaments, dera forma de ziga-zaga que descriuen es sues esteles mès ludentes.
Visibilitat: Entre 90° N e 35° S
Enquia a on mo’n brembam, anar a veir es esteles en Coret s’auie hèt tostemp, aquiu, ath dessús dera potja. Era cernalha ei part deth panteon locau, connècte eth cèu e era tèrra e sustot, aquiu en Coret, contribuís a explicar-mos era experiéncia deth paisatge. De nets, quan guardam era constellacion, de dia quan la seguim corrent ath darrèr des pèires.
“Era mainadèra mos amassàuem entà anar a veir es esteles en Coret"
Teresita des de Toquera.
© Es Sarnalhèrs
Era experiéncia deth paisatge permet implicar-se en mon.
François Jullien, filosòf especializat en tèma deth paisatge parle deth “besonh de paisatge” qu’auem:
“Era caracteristica d’un paisatge ei hèr-me a pertànher ath mon. Ja non parli unicaments d’un endret, senon que me relacioni damb eth mon coma tau (ena sua totalitat): m’i restaqui ad aquerò que li hè mon. Açò qu’ei hèr paisatge. (…) »
Vivre de paysage ou L’impensé de la raison, François Jullien
Eth paisatge me hè a préner consciéncia de pertànher ath mon, restacant-me e restacant eth lòc a on sò damb eth mon ena sua totalitat.