En Bausen, en cada pòrta, sigue de casa, bòrda… se pòt veir dues huelhes de «palma» o faus laurèr tatjades en forma de crotz.
Quan comence era primauera, cada vesin arremasse ua branca de palma e eth Dimenge d’Arrams se lo’n pòrte tara glèisa tà benedir-lo. Dempús d’auer cremat es huelhes der an passat, cada un dèishe es huelhes de palma en cada pòrta deth pòble.
Un exemple evident de sincretisme:
D’aguesta manèra es huelhes benedides protegiràn ath long de tot er an as vesins e as bèsties e non deisharàn que i entren es maus esperits. Tanben en calendari catolic se rebrembe era entrada de Jesús en Jerusalèm, a on siguec aclamat pera gent, que botjauen es palmes. Aguest costum encara se hè en Bausen.
Aguest 2021, Es Sarnalhèrs an contribuït ena conservacion d’aguest costum,
menaçat pera pandèmia dera Covid-19.
Missa d’arrams en Les 2021 (era missa en Bausen siguec cancelada en 2020 e 2021 pr’amor dera pandèmia)
