ES SARNALHÈRS

Patrimòni - Etnologia / Art

AR
ES/ AR/ CAT/ FR
patrimòni / celebrar / ERA QUILHA DETH HAR

Es Sarnalhèrs, en collaboracion damb er Ajuntament de Bausen, reactivèren es hèstes deth huec en Bausen ath cap de 85 ans!
junh 2021

Ath delà d’èster un des objectius dera associacion, era reactivacion e era sauvaguarda des costums son un pas important entath pòble e enguan, mercat pera pandèmia, ei particularament simbolic: guardam tath futur!
Era reactivacion se basèc ena memòria des de Toquèra, es darrèrs testimònis des hèstes deth huec en Bausen e en documents der Archiu Generau d’Aran.

“Ena region pirenenca es hèstes deth huec se hèn cada an durant era net deth solstici d’ostiu. (…) es hèstes deth huec son era escadença tà regenerar es ligams sociaus e refortir es sentiments de pertanhença, identitat e continuitat des comunitats (…) “
Hèstes deth huec deth solstici d’ostiu enes Pirenèus UNESCO

© Es Sarnalhèrs 

Era quilha:
Se plante per un des caps, eth mès estret deth tronc que non a estat shasclat. Pòt hèr enquia 11 mètres com en Les, mès son dimensions excepcionaus. Se plante tradicionaument eth dia de Sant Pèir, eth 29 de junh. Demore quilhat en Coret ara vista de Les. Originaument demoraue eth de Canejan e daue eth senhau ath Haro de Les.
Jusèp Condò Sambeat escriu en 1914:

“Semble qu’era hlama saute der un ar aute serrat.
E volant d’un pòble en un aute, tota era valh s’a alugat”

Eth dia de Sant Pèir s’installe eth Har, que se secarà durant un an. Tar an següent se cremarà era net de Sant Joan e se’n quilharà un aute tà Sant Pèir e atau cada an. Eth darrèr maridat deisharà un flòc de flors ath dessús deth Har.
sce. Ostau Comengés, Unesco, Es Sarnalhèrs, I. Gratacos



Es Sarnalhèrs participa : Formacion UNESCO - PCI
Es Sarnalhèrs participa :  Simposi Fista del fuego
Radio Eth Maitin d'Aran : Es Sarnalhèrs damb Caroline & Mathieu
Beteve video : damb Miqueu