Convidats
Marta Rosell Chust & Domingo Puig
parelha d’artistes de Torroella de Montgrí, Catalonha
Es sòns projèctes artistics se botgen entre era produccion e era investigacion artistica, e gessen coma responsa as condicions d’un contèxte especific. A partir des diferentes realitats d’un endret, meten en dialòg es contradiccions, es situacions entenudes com abituaus e es identitats construïdes der entorn a on s’inscriuen. En aguest cas, diferentes investigacions que desvolopen a títol individuau les an amiat a explorar eth paisatge contemporanèu dempús dera pandèmia, era geografia dera brèca digitau e era materialitat des estructures de comunicacion. Recentament an estat seleccionadi coma finalistes deth prèmi Miquel Casablancas 2021, e lèu participaràn en cicle “indret.xyz” de Cultural Rizoma en Celrà.
© Es Sarnalhèrs - Bausen
Pèira e plastic ei un projècte d’investigacion artistica visuau sus eth desplegament dera tecnologia d’internet de nauta velocitat sus eth territòri deth Pirenèu. Mejançant aguesta investigacion, se cerque visualizar un encastre ample entà hèr ua lectura politica dera situacion, trauessada pes afectacions en territòri, era tecnologia, era identitat locau e eth capitau.
© Marta Rosell Chust & Roc Domingo Puig
Pr’amor des transformacions deth paisatge pirenenc derivades deth desplegament des telecomunicacions d’internet, se vò apregondir ena geopolitica deth territòri a on er accès a internet ei cada viatge mès de besonh. Atau, se vò reflexionar sus es tensions entre er imaginari tradicionau dera pèira (aquerò qu’ei romanic, rustic, folcloric o naturau) e eth plastic (aquerò qu’ei modèrn, bastit, intervengut o artificiau), a on era idealizacion dera montanha chòque damb eth desvolopament dera vida en aguest contèxte.
© Marta Rosell Chust & Roc Domingo Puig